Beniada Nishani një nga modelet e njohura ka folur në media për jetën e saj dhe vështirësitë në Itali.
Ajo nuk ka kursyer të tregojë mbi përvojat e saj të para në punë, ku thotë se e ka nisur si kamariere.
Duke “hapur” thesin e aspekteve personale, Beniada thotë se mamaja e saj ka punuar si pastruese në një dyqan mishi e më pas në shtëpitë e italianëve.
Sakaq, Beniada u shpreh në një intervistë në media se askush nuk duhet të ketë turp për punën, madje duhet të jetë vlerësim.
“Isha 15 vjeçe dhe kemi qenë në fillimet tona në Itali, mami punonte në një dyqan mishi dhe natën kur mbyllej dyqani unë shkoja e ndihmoja për ta pastruar. Madje ka qenë dhe një rast që kam ngelur brenda në frigorifer. Por kam punuar dhe punë të tjera, si kamariere. Më ka pëlqyer shumë që të flisja me njerëzit.
Nuk duhet të kemi fare turp për punën tonë të parë, madje duhet të jetë një vlerësim. Në fillimet tona në Itali kemi qenë pa dokumente, e kishim shumë të vështirë.
Kur unë isha e vogël mami më thoshte që të tregoja dhe shumë kujdes se po të vritesha nuk shkonim dot në spital. Mami im ka qenë 24-25 vjeçe dhe punonte duke pastruar shtëpitë e italianëve. Kur unë i kërkoja një kukull më thoshte që nuk ta blej dot tani por do presësh edhe pak. Mendoj që është shumë bukur që të fitosh lekun tënd dhe të mos i biesh në qafë prindërve”, rrëfeu bukuroshja.
Kujtojmë që pas eksperiencës në “Big Brother VIP”, Beniada është zhvendosur në Shqipëri dhe është angazhuar në televizion.
Discussion about this post