Ashtu siç edhe u hodh për diskutim disa kohë më parë, bastet sportive do të hapen duke nisur nga fillimi i vitit të ri. Ministria e Financave dhe Ekonomisë ka publikuar projektbuxhetin e vitit 2023, ku ajo që bie në sy është edhe përfshirja e basteve sportive, që do të futet në fuqi nga data 1 Janar e vitit 2023.
Projektbuxhet që parashikon një ngadalësim të rritjes ekonomike, që ndikohet nga zhvillimet e ekonomisë globale dhe atë të Bashkimit Europian. Kështu që në vitin e ardhshëm nga bastet “online” pritet që të “thithen” 2 miliardë lekë.
“2 miliardë lekë të rinj janë të ardhurat e pritshme nga lojërat e fatit, ‘bastet sportive’. Nga 1 janari 2023 vlerësohet të arkëtohen në buxhetin e shtetit 2 miliardë lekë”, thuhet në projektbuxhetin e vitit të ardhshëm. Bastet sportive u ndaluan me një vendim të qeverisë, i cili hyri në fuqi që prej 1 janarit të vitit 2019 dhe pas tri vitesh të plota do të rikthen sërish.
Akoma nuk dihet se sa nga këto të ardhura që janë planifikuar të përfitohen në buxhetin e shtetit, do të shkojnë për sportin, pasi edhe për këtë pjesë ka pasur një debat të gjatë, ku edhe federatat sportive në vend kanë insistuar me kohë për hapjen e basteve “online”. Mbetet për t’u parë se çfarë do të përfitojë sporti nga lekët që do të mblidhen nga bastet sportive në Shqipëri,
Discussion about this post