Kryeministri Edi Rama ka reaguar ashpër në rrjetin e tij social Twitter ndaj akuza të opozitës për shifrat dhe statistikat e sipërfaqeve të përmbytura në bashkinë Shkodër, nga reshjet e ditëve të fundit dhe shkarkimi i digave.
Ai ka publikuar shifrat që sipas tij tregojnë se në 2010 në bashkinë Shkodër ka patur rreth 14 mijë hektarë sipërfaqe e përmbytur, ndërsa sot është 1685.
Rama iu përgjigj akuzave të opozitës duke theksuar se kanë për qëllim të nxisin urrejtje.
Ja se ç’i bëjnë opinionit kamerat me objektiv të ngushtë e gjuhët me llapje të gjerë, gjithnjë për të njëjtin qëllim, nxitjen e urrejtjes, teksa faktet nga i njëjti burim, bashkia Shkodër(!), flasin më qartë se s’ka për të vërtetën e përmbysur prej korit të injorancës e ligësisë!
Opozita akuzon kryeministrin Edi Rama dhe qeverinë për situatën e shkaktuar nga përmbytjet. PD pretendon se KESH nuk ka njoftuar autoritetet në Shkodër për hapjen e digave si dhe nuk janë marrë masat për parandalimin e përmbytjeve.
Discussion about this post