Belgjika u eliminua përpara kohe në Botërorin e Katarit. Menjëherë pas sfidës së barazuar 0-0 me Kroacinë, trajneri i belgëve, Roberto Martinez ka dhënë prononcimin e tij për mediat.
“Nuk është e lehtë të fitosh ndeshje në Kupën e Botës. Ne nuk ishim vetvetja në ndeshjen e parë dhe kishim një humbje të merituar në ndeshjen e dytë.
Sot ishim gati, krijuam mundësi dhe nuk ka asnjë pendim. Jemi jashtë por mund të largohemi me kokën lart.
Ju shihni të luajnë Youri Tielemans dhe lojtarë të tjerë të rinj. Brezi i artë po bën diçka që po sjell brezin e ardhshëm. Nuk kanë lidhje emrat që janë në fushë, por trashëgimia mund të lihet në shumë mënyra” – tha ai.
Discussion about this post