Presidenti i Serbisë, Aleksandër Vuçiç,ka paralajmëruar dorëheqjen pas kritikve që ka marrë nga liderët ndërkombëtarë mbi raportin me Kosovën.
Media serbe ‘Pink’ shkruan se Vuçiç i ka bërë me dije bashkëpunëtorëve të tij se nëse gjykohet se dikush tjetër mund të bëjë më mirë për vendin, ai është gati të japë dorëheqjen.
Vuçiç mësohet të ketë thënë se “nëse populli refuzon të negociojë dhe nëse dikush mendon se duhet ta shkatërrojmë vendin ekonomikisht, ai t’ia lërë udhëheqjen njerëzve të tij.”
Paralajmërimi i Vuçiç vjen pas takimit në Forumin Ekonomik Botëror në Davos, ku ndaj presidentit serb vërshuan kritika mbi mënyrën se si Serbia po sillet e vepron me Kosovën.
Duket se Vuçiç në përpjekje për të shmangur vendosjen e një rendi dhe raporti të qëndrueshëm me Kosovën, ka preferuar më mirë të mendojë dorëheqjen.
Sipas ‘Pink’, disa zyrtarë u shprehën se duhet të tregohen të zgjuar dhe të mos pranojnë negociatat e mëtejshme me Bashkimin Evropian dhe SHBA-të.
Discussion about this post