Për Xhuliano Skukën ka nisur një kapitull i ri në karrierën e tij si futbollist. Klubi i FC Metz ka zyrtarizuar trasnferimin e sulmuesit shqiptar. Ai do të mbajë fanellën me numrin 11 në ekipin që luan në Ligue 2.
Partizani njoftoi në mbrëmjen e së hënës arritjen e marrëveshjes.
Metz është një prej klubeve më me traditë në futbollin transalpin, që ka fituar dy trofe të Kupës së Francës dhe dy Kupa të Ligës.
Skuka ka për detyrë të ndihmojë ekipin që do të ngjitet në kategorinë e më të mirave në Francë.
[ ℙ𝕣𝕠 ]
🗨️ 𝙐𝙣 𝙢𝙤𝙩 𝙥𝙤𝙪𝙧 𝙨𝙤𝙪𝙝𝙖𝙞𝙩𝙚𝙧 𝙡𝙖 𝙗𝙞𝙚𝙣𝙫𝙚𝙣𝙪𝙚 𝙖̀ 𝙫𝙤𝙩𝙧𝙚 𝙣𝙤𝙪𝙫𝙚𝙖𝙪 𝙣𝙪𝙢𝙚́𝙧𝙤 1⃣1⃣ ? pic.twitter.com/po1uh3gG1w
— FC Metz ☨ (@FCMetz) January 23, 2023
Metzi është 11 pikë prapa skuadrës së parë, Le Havre, dhe vetëm dy pikë prapa skuadrës së dytë, Bordeaux. Dy skuadrat e para në tabelë e sigurojnë promovimin në elitë për sezonin tjetër.
Në bazë të akordit, “të kuqtë” ruajnë të drejtën edhe të 20% të kartonit të lojtarit në transferimin e ardhshëm.
Transferimi i sulmuesit 24 vjeçar është arritur për një shifër rekord jo vetëm për tregun shqiptar, por edhe në rajon.
Sulmuesi kuqezi ka firmosur deri në qershor të vitit 2026. Partizani do të përfitojë 1 mln euro nga shitja e tij.
Thelbësore në arritjen e akordit ka qenë edhe pasaporta francize e futbollsitit, që I jep mundësinë atij që të regjistrohet dhe federohet lehtësisht dhe jo si ekstrakomunitar.
Në gjysmën e parë të këtij sezoni, Skuka shënoi 10 gola në 17 takime, duke qenë golashënuesi i dytë më i mire i kampionatit, si edhe 3 në 3 ndeshje në Kupë.
Ai luajti edhe në 4 miqësore me Kombëtaren e Shqipërisë, ku realizoi edhe 1 gol ndaj Armenisë.
Discussion about this post